ອູແກຼນ ໄດ້ຮັບຫ້ວງເງິນຊ່ວຍເຫຼືອໃໝ່ ຈາກ EU
ສຳນັກຂ່າວສານຫວຽດນາມ ລາຍງານໃນ ວັນທີ 26 ເມສາ 2024 ນີ້ວ່າ: ວົງການເຈົ້າໜ້າທີ່ ອູແກຼນ ແຈ້ງໃຫ້ຮູ້ວ່າ ໄດ້ຮັບຫ້ວງ
ເງິນຊ່ວຍເຫຼືອໃໝ່ຈາກ ສະຫະພາບເອີຣົບ (EU), ລວມມູນຄ່າ 1,5 ຕື້ເອີໂຣ (1,6 ຕື້ໂດລາ), ພ້ອມທັງຫວັງວ່າຈະໄດ້ຮັບຫ້ວງເງິນ
ຊ່ວຍເຫຼືອທີ່ມີມູນຄ່າ 10 ຕື້ເອີໂຣ ໃນທ້າຍປີ 2024 ນີ້ ຕື່ມອີກ.
ທ່ານ ເຊີໄຮ ມາເຊນໂກ (Serhiy Marchenko) ລັດຖະມົນຕີກະຊວງການເງິນ ອູແກຼນ ກ່າວລະບຸວ່າ, EU ໄດ້ສະໜອງຫ້ວງ
ເງິນຊ່ວຍເຫຼືອທັງໝົດ 31 ຕື້ເອີໂຣ ໃຫ້ແກ່ ອູແກຼນ, ເຊິ່ງປັດຈຸບັນແມ່ນແຫຼ່ງສະໜອງຫ້ວງເງິນໃຫຍ່ທີ່ສຸດທີ່ໄດ້ສະໜອງໃຫ້ປະເທດເອີ
ຣົບຕາເວັນອອກນີ້ ນັບແຕ່ເກີດຄວາມບໍ່ລົງລອຍກັນກັບ ຣັດເຊຍ ໃນເດືອນ ກຸມພາ 2022 ທີ່ຜ່ານມາ. ນອກຈາກນັ້ນ, ອາເມຣິກາ ກໍ
ແມ່ນປະເທດທີ່ໃຫ້ການຊ່ວຍເຫຼືອດ້ານການເງິນສຳຄັນຂອງ ອູແກຼນ. ທ່ານກ່າວເນັ້ນໜັກຕື່ມວ່າ: “ການຊ່ວຍເຫຼືອຈາກສາກົນ ແມ່ນກະ
ແຈເພື່ອຮັບປະກັນດ້ານເສດຖະກິດມະຫາພາກເປັນປົກກະຕິ ແລະ ສ້າງພື້ນຖານໃຫ້ແກ່ການເຕີບໂຕຂອງເສດຖະກິດ”. ໃນວັນດຽວກັນ,
ທ່ານ ໂຈ ໄບເດັນ ປະທານາທິບໍດີ ອາເມຣິກາ ໄດ້ເຊັນປະກາດໃຊ້ກົດໝາຍວ່າດ້ວຍການອະນຸຍາດໃຫ້ຊ່ວຍເຫຼືອການທະຫານເພີ່ມເຕີມ
ໃຫ້ແກ່ ອູແກຼນ.
ພາຍຫຼັງເຫດການດັ່ງ ກ່າວ, ທຳນຽບ 5 ແຈ ໄດ້ປະກາດຫ້ວງເງິນຊ່ວຍເຫຼືອທີ່ມີມູນຄ່າເຖິງ 1 ຕື້ໂດລາ ໃຫ້ແກ່ ອູແກຼນ ຢ່າງວ່ອງໄວ.
ພ້ອມທັງເອົາໃຈໃສ່ເຖິງຄວາມຕ້ອງການທີ່ຈຳເປັນກ່ຽວກັບອາວຸດຍຸດໂທປະກອນປ້ອງກັນອາກາດ ແລະ ອື່ນໆ.
ແຫຼ່ງທີ່ມາ: ໜັງສືພິມກອງທັບ
ວັນທີ 30/04/2024